सूरसागर प्रथम स्कन्ध पृ. 82

सूरसागर प्रथम स्कन्ध-82 विनय राग 165.राग सारंग अब धौं कहो, कौन दर आउँ ? तुम जगपाल, चतुर चिंतामनि, दीनबंधु सुनि नाउँ । माया कपट-जुवा, कौरव-सुत, लोभ, मोह, मद भारौ । परबस परौ सुनौ करूनामय, मम मति-तिय अब हारी । क्रोध-दुसासन गहे लाज-पट, सर्व अंध-गति मेरी । सुर, नर, मुनि, कोउ निकट न आवत, सूर समुझि हरि-चेरी। इस पद के अनुवाद के लिए यहाँ क्लिक करें 166.राम मारू मेरी तौ गति-मति तुम, अनतहिं दुख पाऊँ ! हौं कहाइ तेरौ, अब कौन कौ कहाऊँ ! कामधेनु छाँड़ि कहा अजा लै दुहाऊँ ! हय गयंद उतरि कहा गर्दभ-चढि धाऊँ ? कंचन-मनि खोलि डारि, काँच गर बँधाऊँ ? कुमकुम कौ लेप मेटि, काजर सुख लाऊँ ? पाटंबर-अंबर तजि, गूदरि पहिराऊँ ? अंब सुफल छाँड़ि, कहा सेमर कौं धाऊँ ? सागर की ल‍हरि छाँढि, छीलर न्‍हाऊँ ? सूर कूर, आँधरौ, मैं द्वार परयौ गाऊँ ? इस पद के अनुवाद के लिए यहाँ क्लिक करें