सुनि राधा यह कहा बिचारै -सूरदास

सूरसागर

दशम स्कन्ध

राग टोड़ी सुनि राधा यह कहा बिचारै। वै तैरै तू उनकै रँग, अपनौ मुख क्यौं न निहारै।। जौ देखै तौ छाँह आपनी, स्याम हृदै ह्याँ छाया। ऐसी दसा नंदनदन की, तुम दोउ निर्मल काया।। नीलांबर स्यामल तनु की छबि, तुम छवि पीत सुबास। घनभीतर दामिनी प्रकासित, दामिनी घन-चहुँ-पास।। सुनि री सखी बिलछ कहौ तोसौ, चाहति हरि को रूप। 'सूर' सुनहु तुम दोउ सम जोरी, एक स्वरूप अनूप।।2067।।