या बिनु होत कहा ह्याँ सूनौ -सूरदास

सूरसागर

दशम स्कन्ध

राग मारू या बिनु होत कहा ह्याँ सूनौ। लै किन प्रगट कियौ प्राची दिसि, बिरहिनि कौ दुख दूनौ।। सब निरदै सुर असुर सैल, सखि सायर सर्प समेत। काहु न कृपा करी इतननि मैं, त्रिय तनबन दव देत।। धन्य कुहू, बरषा रितु, तमचुर, अरु कमलनि कौ हेत। जुग जुग जीवै जरा बापुरी, मिलै राहु औ केत।। चितै चंद तन सुरति स्याम की, बिकल भई ब्रजबाल। 'सूरदास' अजहूँ इहिं औसर, काहे न मिलत गुपाल।। 3355।।