यह मोकौं तबही न सुनाई -सूरदास

सूरसागर

दशम स्कन्ध

यह मोकौं तबहीं न सुनाई। मैं बहुतै कीन्ही‍ अधमाई।। पूरन ब्रह्म रहे ब्रज आई। काहू तौ मौहिं सुधि न दिवाई।। सुरनि कही नहिं करि भलाई, आजु कह्यौ जब महत गँवाई।। यह सुनि अमर गए सरमाई। सुनहु राज हम जानि न पाई।। अब सुनियै आपुन मन लाई। ब्रजहिं चलौ नहिं और उपाई।। वै हैं कृपा-सिंधु करुनाकर। छमा करहिंगे श्री सुंदर बर।। और कछू मन मैं जिनि आनहु। हम जो कहैं सत्य करि मानहु।। सूर सुरनि यह बात सुनाई। सुरपति सरन चल्यौछ अकुलाई।।946।।