माधौ जू मन माया बस कीन्‍हौ -सूरदास

सूरसागर

प्रथम स्कन्ध

राग बिहागरौ              माधौ जू, मन माया बस कीन्‍हौ। लाभ-हानि कछु समुझत नाहीं, ज्‍यौं पतंग तन दीन्‍हौ। गृह दीपक, धन तेल, तूल तिय, सुत ज्‍वाला अति जोर। मैं मति-हीन मरम नहि जान्‍यौ, परयौ अधिक करि दौर। बिवस भयौं नलिनो के सुक ज्‍यौं, बिन गुन मोहि गह्यौ। मैं अज्ञान कछू नहिं समुइयौ, परि दुख-पुंज सह्यौ। बहुतक दिवस भए या जग मैं, भ्रमत फिरयौ मति-हीन। सूर स्‍यामसुंदर जौ सेवैं, क्‍यौं होवै गति दीन।।46।।