जेंवत स्‍याम नंद की कनियाँ -सूरदास

सूरसागर

दशम स्कन्ध

राग सारंग जेंवत स्‍याम नंद की कनियाँ। कछुक खात, कछु धरनि गिरावत, छबि निरखति नँद-रनियां। बरी, बरा, बेसन, बहु भाँतिनि, व्‍यंजन बिबिध, अगनियां। डारत, खात, लेत अपनैं कर, रुचि मानत दधि दोनियां। मिस्री, दधि, माखन मिस्रित करि, मुख नावत छबि धनियाँ। आपुन खात नंद-मुख नावत सों छबि कहत न बनियां। जो रस नंद-जसोदा बिलसत, सो नहिं तिहूँ भुवनियाँ। भोजन करि नँद अचमन लीन्हौ, माँगत सूर जुठनियाँ।।238।।