जुवति-अंग छवि निरखत स्याम -सूरदास

सूरसागर

दशम स्कन्ध

राग भैरव जुवति-अंग छवि निरखत स्याम। नंद कुँवर श्री अंग माधुरी, अवलोकति ब्रज-बाम।। परी दृष्टि उच कुचनि पिया की, वह सुख कह्यौ न जाइ। अँगिया नील, माँड़नी राती, निरखत नैन चुराइ।। वै निरखतिं पिय-उर-भुज की छबि पहुँचनि पहुँची भ्राजति। कर-पल्लवनि मुद्रिका सोहति, ता छबि पर मन लाजति।। चंदन-बिंदु निरखि हरि रीभे, ससि पर बाल-बिभास। नंदलाल-ब्रजबाल-सु छबि क्यौं, बरनै सूरजदास।।1053।।