जननी, हौं अनुचर रघुपति कौ -सूरदास

सूरसागर

नवम स्कन्ध

राग मारू हनुमान-कृत सीता-समाधान   जननी, हौं अनुचर रघुपति कौ। मति माता करि कोप सरापै, नहिं दानव ठग मति कौ। आज्ञा होइ, देउँ कर-मुँदरी, कहौं सँदसौ पति कौ। मति हिय बिलख करौ सिय, रघुवर हतिहैं कुल दैयत कौ। कहौ तौ लंक उखारि डारि देउँ जहाँ पिता संपति कौ। कहौ तौ मारि-सँहारि निसाचर; रावन करौं अगति कौ। सागर-तीर भीर बनचर की, देखि कटक रघुपति कौ। अबै मिलाऊँ तुम्हैं सूर प्रभु, राम-रोष डर अति कौ॥84॥