गोविंद प्रीति सवनि की मानत -सूरदास

सूरसागर

प्रथम स्कन्ध

राग सारंग              गोबिंद प्रीति सवनि की मानत। जिहिं जिहिं भाइ करत जन सेवा, अंतर की गति जानत। सबरी कटुक बेर तजि, मीठे चाखि, गोद भरि ल्‍याई। जूठनि की कछु संक न मानी, भच्‍छ किए सत-भाई। संतत भक्त-मीत हितकारी स्‍याम बिदुर कैं आए। प्रेम-विकल, अति आनँद उर धरि, कदली-छिकुला खाए। कौरव-काज चले रिषि सापन, साक पत्र सु आघाए। सूरदास करुना-निघान प्रभु, जुग जुग भक्त बढ़ाए।।13।।