गति सुधंग नृत्यति ब्रज नारि -सूरदास

सूरसागर

दशम स्कन्ध

राग बिहागरौ गति सुधंग नृत्यति ब्रज-नारि। हाव भाव नैननि सैननि दै, रिझावति गिरिवर-धारि।। पग-पग पटकि भुजनि लटकावति, फूंदा फरनि अनूप। चंचल चलत झूमका, अंचल, अद्भुत है वह रुप।। दुरि निरखत अंग, रुप परस्पर दोउ मनहीं मन रीभत। हँसि-हँसि बदन बचन-रस बरषत, अंग स्वेरद-जल भीजत।। बेनी छूटि लटैं बगरानी, मुकुट लट‍कि लटकानौ। फूल खसत सिर तैं भए न्यारे, सुभग स्वाटति-सुत मानौ।। गान करति नागरि, रीभे पिय, लीन्ही अंकम लाइ। रस-बस ह्वै लपटाइ रहे दोउ, सूर सखी बलि जाइ।।1057।।