नृत्यत अंग अभूषन बाजत -सूरदास

सूरसागर

दशम स्कन्ध

राग गौरी नृत्यत, अंग-आभूषन बाजत। गति सुगंध सौ भाव दिखावत, इक तैं इक अति राजत।। कहत न बनै रह्यौ रस ऐसौ, बरनत बरनि न जाइ। जैसेइ बने स्याम, तैसीयै गोपी, छबि अधिकाइ।। कंकन, चुरी, किंकिनी नुपूर, पैंजनि, बिछिया सोहति। अद्भुत धुनि उपजति इनि मिलि कै, भ्रमि-भ्रमि इत-उत जोहति।। सुनि-सुनि स्रवन रीझी मनहीं मन, राधा रास-रसज्ञा। सूर स्याम सबके सुखदायक, लायक, गुननि गुनज्ञा।।1058।।