हरिवंश पुराण विष्णु पर्व (संस्कृत) अध्याय 30 श्लोक 6-10

हरिवंश पुराण विष्णु पर्व (संस्कृत) अध्याय 30 श्लोक 6-10

वल्‍गमाने तु गोविन्‍दे स कृत्‍स्‍त्रो रंगसागर:। जनौघप्रतिनादेन पूर्यमाण इवाबभौ।।6।। तत: क्रोधाभिताम्राक्ष: कंस: परमकोपन:। चाणूरमादिशद् युद्धे कृष्‍णस्‍य सुमहाबलम्।।7।। अन्‍ध्रं मल्‍लं च निकृति मुष्टिकं च महाबलम्। बलदेवाय सक्रोधो दिदेशाद्रिचयोपमम्।।8।। कंसेनापि समाज्ञप्‍तश्‍चाणूर: पूर्वमेव तु। योद्धव्‍यं सह कृष्‍णेन त्‍वया यत्‍नवतेति वै।।9।। स रोषेण तु चाणूर: कषायीकृतलोचन:। अभ्‍यावर्तत युद्धार्थमपां पूर्णो यथा घन:।।10।।