सूरसागर प्रथम स्कन्ध पृ. 69

सूरसागर प्रथम स्कन्ध-69 विनय राग 139.राग सारंग हो तौ पतित-सिरोम नि माधौ। अजामील बातनि हीं तारयौ, हुतौ जु मौतै आधौ। कै प्रभु हार मान कै बैठौ कै अवहीं निस्‍तारौ। सूर पतित कौं और ठौर नहिं है हरि-नाम सहारौ। इस पद के अनुवाद के लिए यहाँ क्लिक करें 140.राग सारंग माधौ जू मोतै और न पापी घातक, कुटिल, चबाई, कपटी, महाक्रूर संतापी। लंपट, धूत, पूत दमरी कौ, विषय-जाप कौ जापी। भच्छि अभच्‍छ, अपान पान करि, कबहुं न मनसा धापी। कामी, विसय कामिनी कै रस, लोभ-लालसा थापी। मन-क्रम-वचन-दुसह सबहिनि सौं कटुक-वचन-आलापी। जेतिक अधम उधारे प्रभु तुम, तिनकी गति मैं नापी। सागर-सूर बिकार भरयौ जल, बधिक अजामिल बापी। इस पद के अनुवाद के लिए यहाँ क्लिक करें