रास रस रीति नहिं बरनि आवै -सूरदास

सूरसागर

दशम स्कन्ध

राग मलार रास-रस-रीति नहिं बरनि आवै। कहाँ वैसी बुद्धि, कहाँ वह मन लहौं, कहाँ यह चित्त जिय भ्रम भुलावै।। जौ कहौं, कौन मानै, जो निगम-अगम-कृपा बिनु नहीं या रसहि पावै। भाव सौं भजै, बिनु भाव मैं ये नहीं भावही माहिं ध्यानहि बसावै।। यहै निज मंत्र, यह ज्ञान यह ध्यान है, दरस है, दरस-दंपति भजन-सार गाऊँ। यहै माँगौं बार-बार प्रभु सूर के, नैन दोउ रहैं, नर-देह पाऊँ।।1006।।