मोहन जा दिन बनहिंं न जात -सूरदास

सूरसागर

दशम स्कन्ध

राग सारंग मोहन जा दिन बनहि न जात । ता दिन पसु पच्छी द्रुम बेली, बिनु देखे अकुलात ।। देखत रूप निधान नैन भरि, तातै नहीं अघात । ते न मृगा तृन चरत उदर भरि, भए रहत कृस गात ।। जे मुरली धुनि सुनत स्रवन भरि, ते मुख फल नहिं खात । ते खग बिपिन अधीर कीर पिक, डोलत है बिलखात ।। जिन बेलिन परसत कर पल्लव, अति अनुराग चुचात । ते सब सूखी परतिं बिटप ह्वै, जीरन से द्रुम पात ।। अति अधीर सब बरस सिथिल सुनि, तन की दसा हिरात । ‘सूरजदास’ मदनमोहन बिनु, जुग सम पल हम जात ।। 3202 ।।