मेरे लाड़िले हो तुम जाउ न कहूँ -सूरदास

सूरसागर

दशम स्कन्ध

राग नटनारायन मेरे लाड़िले हो तुम जाउ न कहूँ। तेरेही काजैं गोपाल, सुनहु लाड़िले लाल, राखे हैं भाजन भरि सुरस छहूँ। काहे कौं पराऐं जाइ, करत इते उपाइ, दूध-दही-घृत अरु माखन तहूँ। करहिं कछू न कानि, बकति हैं कटु बानि, निपट निलज बैन बिलखि सहूँ। ब्रज की ढीठी गुवारि, हाट की बेचनहारि, सकुचैं न देत गारि झगरत हूँ। कहाँ लगि सहौं रिस, बकत भई हौं कृस, इहिं मिस सूर स्‍याम बदन चहूँ।।295।।