मेरे माई, स्याम मनोहर जीवन -सूरदास

सूरसागर

दशम स्कन्ध

राग गौरी मेरे माई, स्याम मनोहर जीवन। निरखि नैन भूले जु बदन छबि, मधुर हँसनि पय-पीवन। कुंतल कुटिल, मकर कुंडल, भ्रुव नैन-बिलोकनि बंक। सुधा-सिंधु तैं निकसि नयौ ससि, राजत मनु मृग-अंक। सोभित सुमन मयूर-चंद्रिका, नील नलिन तनु स्याम। मनहुं नछत्र-समेत इंद्र-धनु, सुभग मेघ अभिराम। परम कुसल कोबिद लीला-नट, मुसुकनि मन हरि लेत। कृपा-कटाच्छ कमल-कर फेरत, सूर जननि सुख देत।।154।।