माधौ जू मन हठ कठिन परयौ -सूरदास

सूरसागर

प्रथम स्कन्ध

राग सारंग माधौ जू, मन हठ कठिन परयौ। जद्यपि विद्यमान सब निरखत, दु:ख सरीर भरयौ बार-बार निसि-दिन अति आतुर, फिरत दसौं दिसि धाए। ज्‍यौं सुक सेमर-फूल बिलोकत, जात नहीं बिनु खाए। जुग-जुग जनम, मरन अरु बिछुरन, सब समुझत मत-भेव। ज्‍यों दिनकरहिं उलूक न मानत, परि आई यह टेव। हौं कुचालि मति-हीन सकल विधि, तुम कृपालु जग जान। सूर मधुप निसि कमल-कोप-वस, करौ कृपा-दिन-भान।।100।।