बूझति जननि कहाँ हुती प्यारी -सूरदास

सूरसागर

दशम स्कन्ध

राग बिहागरौ बूझति जननि कहाँ हुती प्यारी। किन तेरे भाल तिलक रचि कीनौ, किहिं कच गूँदि माँग सिर पारी। खेलति रही नंद कै आँगन, जसुमति कही कुँवरिं ह्याँ आ री। भेरौ नाउँ बूझि बाबा कौ, तेरौ बूझि दई हँसि गारी। तिल चाँवरी गोद करि दीनी फरिया दई फारि नव सारी। मो-तन चितै, चितै ढोटा-तन, कछु सविता सों गोद पसारी। यह सुनि कै वृषभानु मुदित चित, हँसि-हँसि बूझत बात दुलारी। सूर सुनत रस-सिंधु बढ़यौ अति, दंपति एकै बात बिचारी।।708।।