धन्य धन्य बड़भागिनी राधा -सूरदास

सूरसागर

दशम स्कन्ध

राग सोरठ धन्य धन्य बड़भागिनी राधा। नीकै भजी नंदनंदन कौ, मेटि भवन-जन-बाधा।। नवल स्याम नवला तुमहुँ हौ, दोऊ रूप अगाधा। मैं जानी यह बात हृदय की, रही नहीं कछु साधा।। संगहिं रहत सदा पियप्यारी, कीड़त करत उपाधा। कोककला वितपत्र भई हौ, कान्ह-रूप-तनु आधा।। प्रेम उमँगि तेरै मुख प्रगट्यौ, अरस-परस-अवराधा। 'सूरदास' प्रभु मिले कृपा करि, गए दुरित दुख दाधा।।1859।।