देखि दसा सुकुमारि की -सूरदास

सूरसागर

दशम स्कन्ध

राग बिलावल देखि दसा सुकुमारि की, जुवती सब धाईं। तरु तमाल बूझति फिरैं कहि-कहि मुरझाईं।। नंद-नंदन देखे कहूँ, मुरली कर-धारी। कुंडल, मुकुट, बिराजई, तनु स्यामल-भारी।। लोचन चारु बिसाल हैं, नासा अति लोनी। अरुन अधर दसनावलो-छबि चारु चकोनी।। विंब, प्रवालनि लाजहीं, दामिनि-दुति थोरी। ऐसे हरि हमकौं कहौ, कहुँ देखे हो री।। अंग-अंग छबि कह कहौं, देखैं बनि आबै। सूर स्याम देखे नहीं, कोउ काहि बतावै।।1118।।