जो हरि करै सो होइ2 -सूरदास

सूरसागर

द्वितीय स्कन्ध

राग धनाश्री ब्रह्मा-वचन नारद के प्रति मच्छ कच्छ बाराह, बहुरि नरसिंह रूप धरि। वामन, बहुरौ परसुराम, पुनि राम रूप करि। बासुदेव सोई भयौ, बुद्ध भयौ पुनि सोइ। सोई कल्की होइहै, और न द्वितिया कोई ये दस हरि-अवतार, कहे पुनि और चतुरदास। भक्तबछल भगवान, धरे तन भक्तमि कैं बस। अज, अबिनासी, अमर प्रभु, जनमैं मरै न सोइ। नट वत करत कला सकल, वूभै बिरला काइ। सनकादिक, पुनि ब्यास, बहुरि भए हंस रूप हरिं। पुनि नारायन ऋषभदेव, नारद धनवंतरि। दत्तात्रेऽरू पृथु बहुरि, जज्ञपुरुष-वपु घार। कपिल, मनू, हयप्रीव पुनि, कौन्हौ ध्रुव अवतार। भूभिरेनु काउ गनै, नछत्रनि गनि समुझावै। कह्यौ चहै अवतार, अंत सोऊ नहिं पावै। सूर कह्यौ क्यौं कहि सकै, जन्म-कर्म-अवतार। कहे कछुक गुरु-कृपा तैं श्रीभागवतऽनुसार।।36।।