जसोदा हरि पालनैं झुलावै -सूरदास

सूरसागर

दशम स्कन्ध

राग धनाश्री जसोदा हरि पालनैं झुलावै। हलरावै, दुलराइ मल्हावै, जोइ-सोइ कछु गावै। मेरे लाल कौं आउ निंदरिया, काहैं न आनि सुवावै। तू काहैं नहिं बेगिहिं आवै, तोकौ कान्ह बुलावै। कबहुं पलक हरि मूंदि लेत हैं कबहुं अधर फरकावै। सोवत जानि मौन ह्वै कै रहि, करि-करि सैन बतावै। इहि अंतर अकुलाइ उठे हरि, जसुमति मधुरैं गावै। जो सुख सूर अमर-मुनि दुरलभ, सो नंद-भामिनि पावै।।43।।