कृपा अब कीजिऐ बलि जाउं -सूरदास

सूरसागर

प्रथम स्कन्ध

राग गूजरी कृपा अब कीजिऐ बलि जाउँ। नाहिन मेरैं और कोउ बलि, चरन कमल बिनु ठाउँ। हौं असौच, अक्रित, अपराधी, सनमुख होत लजाउँ। तुम कृपाल, करुनानिधि, केसव, अधम-उधारन-नाउँ। काकैं द्वार जाइ होउँ ठाढ़ौ, देखत काहि सुहाउँ। असरन सरन नाम तुम्‍हारौ, हौं कामी, कुटिल, निभाउँ। कलुषी अरु मन मलिन बहुत मैं सेंत-मेंत न बिकाउँ। सूर पतितपावन पद अंबुज, सो क्‍यौं परिहरि जाउँ।।।।128।।