इहिं दुख तन तरफत मरि जैहै -सूरदास

सूरसागर

दशम स्कन्ध

राग जैतश्री    इहिं दुख तन तरफत मरि जैहै। कबहुँ न सखी स्यामसुंदर घन, मिलिहै आइ अक भरि लैहै? कबहुँ न बहुरि सखा सँग ललना, ललित त्रिभगी छविहिं दिखैंहैं? कबहुँ न बेनु अधर धरि मोहन, यह मति लै लै नाम बुलैहैं? कबहुँ न कुंज भवन सँग जैहै, कबहुँ न दूती लैन पठैंहै? कबहुँ न पकरि भुजा रस बस ह्वै, कबहुँ न पग परि मान मिटैंहैं? याही तै घट प्रान रहत है, कबहुँक फिरि दरसन हरि दैहै? 'सूरदास' परिहरत न यातै, प्रान तजै नहि पिय ब्रज ऐहै।। 3407।।