बाणसंरक्षणं कर्तुं रथमास्थाय सुप्रभम्।
देव: कुमारश्च् तथा रथेनाग्निसमेन वै।।16।।
नन्दीश्वरसमायुक्तं रथमास्थाय वीर्यवान्।
संदष्टौष्ठुपुटो रुद्र: प्राधावत यतो हरि:।।17।।
पिबन्निव तदाकाशं सिंहयुक्तो महास्वन:।
रथो भाति घनोन्मुक्त: पौर्णमास्यां यथा शशी।।18।।
ततो गणसहस्रैस्तु नानारूपैर्भयावहै:।
नदद्भिर्विविधान् नादान् रथो देवस्य शोभयन्।।19।।
केचित सिंहमुखास्तात्र तथा व्याघ्रमुखा: परे।
नागाश्वोष्ट्रमुखास्तत्र प्रवेपुरतिपीडिता:।।20।।