हरिवंश पुराण विष्णु पर्व (संस्कृत) अध्याय 7 श्लोक 1-5

हरिवंश पुराण विष्णु पर्व (संस्कृत) अध्याय 7 श्लोक 1-5

वैशम्‍पायन उवाय काले गच्‍छति तौ सौम्‍यौ दारकौ कृतनामकौ। कृष्‍णसंकर्षणौ चोभौ रिङ्गणौ समपद्यताम्।।1।। तावन्‍योन्‍यगतौ बालौ बाल्‍यादेवैकतां गतौ। एकमूर्तिधरौ कान्‍तौ बालचन्‍द्रार्कवर्चसौ।।2।। एकनिर्माणनिर्मुक्‍तावेकशरय्यासनाशनौ। एकवेषधरावेकं पुष्‍यमाणौ शिशुव्रतम्।।3।। एककार्यान्‍तरगतावेकदेहौ द्विधाकृतौ। एकचर्यौ महावीर्यावेकस्‍य शिशुतां गतौ।।4।। एकप्रमाणौ लोकानां देववृत्तान्‍तमानुषौ। कृत्‍स्‍त्रस्‍य जगतो गोपौ संवृत्तौ गोपदारकौ।।5।।