अर्जुन उवाच
मुहूर्तेन वयं ग्रामं तं प्राप्य भरतर्षभ।
विश्रान्तवाहना: सर्वे निवासायोपसंस्थिता:।।1।।
ततो ग्रामस्य मध्येऽहं निविष्ट: कुरुनन्दन।
समन्ताद् वृष्णिसैन्येन महता परिवारित:।।2।।
तत: शकुनयो दीप्ता मृगाश्च क्रूरभाषिण:
दीप्तायां दिशि वाशन्तो भयमावेदयन्ति मे।।3।।
संध्यारागो जपावर्णो भानुमांश्चैव निष्प्रभ:।
पपात महती चोल्का पृथिवी चाप्यकम्पत।।4।।
तान् समीक्ष्य महोत्पातान् दारुणॉल्लोहमर्षणान्।
योगमाज्ञापयंस्तत्र जनस्योत्सुकचेतस:।।5।।