वैशम्पायन उवाच
तौ तु स्वल्पेन कालेन दमघोषेण संगतौ।
अथाध्वसविधिना तौ तु पञ्चरात्रोषितौ पथि।।1।।
दमघोषेण संगम्य एकरात्रोषिताविव।
जग्मतु: सहितौ वीरौ मुदा परमया युतौ।
नगरीं मथुरां प्राप्तौ वसुदेवसुतावुभौ।।2।।
तत: प्रत्युकद्गता: सर्वे यादवा यदुनन्दनौ।
सबला हृष्टामनस उग्रसेनपुरोगमा:।।3।।
श्रेण्य: प्रकतयश्चैव मनित्रणश्च यथोचिता:।
सबालवृद्धा सा चैव पुरी समभिवर्तत।।4।।
नन्दितूर्याण्यवाद्यन्त् स्तूयेतां पुरुषर्षभौ।
रथ्यां पताकामालिन्यो भासन्ति स्मय समन्तत:।।5।।
