वैशम्पायन उवाच
अन्धकारीकृते लोके प्रदीप्ते त्र्यम्बके तथा।
न नन्दी नापि च रथो न रुद्र: प्रत्यदृश्यत।।1।।
द्विगुणं दीप्तपदेहस्तु रोषेण च बलेन च।
त्रिपुरान्तकरो बाणं जग्राह स चतुर्मुखम्।।2।।
संदधत् कार्मुकं चैव क्षेप्तुुकामस्त्रिलोचन:।
विज्ञातो वासुदेवेन चित्तमज्ञेन महात्मना।।3।।
जृम्भणं नाम सोऽप्यस्त्रं जग्राह पुरुषोत्तम:।
हरं संजृम्भयामास क्षिप्रकारी महाबल:।।4।।
सशर: सधनुश्चैव हरस्तेनाशु जृम्भित:।
संज्ञां ने लेभे भगवान विजेतासुररक्षसाम्।।5।।
