मनुष्याणां च सर्वेषां ये विशिष्टकतमा नरा:।
तानेतान् पश्य सर्वांस्त्वं यथैव लिखितान् मया।।66।।
यस्ते भर्ता यथारूप: स मया लिखित: सखि।
तं त्वं प्रत्यभिजानीहि स्वप्ने यं दृष्टवत्यसि।।67।।
तत: क्रमेण सर्वांस्तान् दृष्ट्वा सा मत्तकाशिनी।
देवदानवगन्धर्व विद्याधरगणानथ।
अतीत्य च यदून् सर्वान् ददर्श यदुनन्दनम्।।68।।
तत्रानिरुद्धं दृष्ट्वा् सा विस्मायोत्फुल्ललोचना।
उवाच चित्रलेखां तामयं चौर: स वै सखि।।69।।
येनाहं दूषिता पूर्वं स्वरप्ने हर्म्यगता सती।
सोऽयं विज्ञातरूपो मे कुतोऽयं रतितस्कर:।।70।।