राज्ञां पराजयं युद्धे गोमन्तेऽचलसत्तमे।
श्रवणाद् धारणाद् वापि स्वर्गलोकं व्रजन्ति हि।।95।।
तद्गच्छाम महाराज करवीरं पुरोत्तमम्।
त्वयोद्दिष्टेन मार्गेण चेदिराज शिवाय वै।।96।।
ते स्यन्दनगता: सर्वे पवनोत्पातिभिर्हयै:।
भेजिरे दीर्घमध्वानं मूर्तिमन्त इवाग्नय:।।97।।
ते त्रिरात्रोषिता: प्राप्ता: करवीरं पुरोत्तमम्।
शिवाय च शिवे देशे निविष्टास्त्रिदशोपमा:।।98।।
इति श्रीमहाभारते खिलभागे हरिवंशे विष्णुपर्वणि करवीरपुराभिगमने त्रिचत्वारिंशोअध्याय:।