हरिवंश पुराण विष्णु पर्व (संस्कृत) अध्याय 42 श्लोक 11-15

हरिवंश पुराण विष्णु पर्व (संस्कृत) अध्याय 42 श्लोक 11-15

व्यामिश्रं तद्वलं भाति मत्तद्विपसमाकुलम्। घर्मान्ते सागरगतं यथाभ्रपटलं तथा।।11।। सबलास्तेे महीपाला जरासंधपुरोगमा:। परिवार्य गिरिं सर्वे निवेशायोपचक्रमु:।।12।। बभौ तस्य निविष्टस्य बलश्री: शिबिरस्य वै। शुक्ले पर्वणि पूर्णस्य यथा रूपं महोदधे:।।13।। वीतरात्रे तत: काले नृपास्ते कृतकौतुका:। आरोहणार्थं शैलस्य समेता युद्धलालसा:।।14।। समवायीकृता: सर्वे गिरिप्रस्थेषु ते नृपा:। निविष्टात: मन्त्रयामासुर्युद्धकालकुतूहला:।।15।।