नासस्या नातृणा भूमिर्न बुभुक्षार्दितो जन:।
दृश्यते यत्र दृश्यन्ते वृष्टिमन्तो बलाहका:।।11।।
दुदोह सवितुर्गा वै शक्रो दिव्या: पयस्विनी:।
ता: क्षरन्ति नवं क्षीरं मेध्यं मेघौघधारितम्।।12।।
वाय्वीरितं तु मेघेषु करोति निनदं महत् ।
जवेनावर्तितं चैव गर्जतीति जना विदु:।।13।।
तस्य चैवोह्यमानस्य वायुयुक्तैर्बलाहकै:।
वज्राशनिसमा: शब्दा: श्रूयन्ते नगभेदिन:।।14।।
तज्जलं वज्रनिष्पेषैर्विमुंचिति नभोगतै:।
बहुभि: कामगैर्मेघै: शक्रो भृत्यैरिवेश्वर:।।15।।