अगस्त्येन पुलस्त्येन धौम्येन तु महात्मना।
य इदं पठते नित्यं स्तोत्रं हरिहरात्मकम्।।61।।
अरोगो बलवांश्चैव जायते नात्र संशय:।
श्रियं च लभते नित्यं न च स्वर्गान्निवर्तते।।62।।
अपुत्रो लभते पुत्रं कन्या विन्दति सत्पातिम्।
गुर्विणी श्रृणुते या तु वरं पुत्रं प्रसूयते।।63।।
राक्षसाश्च पिशाचाश्च विघ्नानि च विनायक:।
भयं तत्र न कुर्वन्ति यत्रायं पठ्यते स्तव:।।64।।
इति श्रीमहाभारते खिलभागे हरिवंशे विष्णुपर्वणि हरिहरात्मकस्तवो नाम पंचविंशत्याधिकशततमोऽध्याय:।