अन्तरिक्षचरा च त्वं योगिनी कामरूपिणी।
उपायस्यास्य कुशला क्षिप्रमानय मे प्रियम्।।76।।
उपायश्चिन्यतां भीरु सम्प्रतर्क्य प्रिये सुखम्।
सिद्धार्था संनिवर्तस्वं येनोपायेन सुन्दरि।।77।।
भवेदापत्सु यन्मित्रं तन्मित्रं शस्याते बुधै:।
कामार्ता चास्मि सुश्रोणि भव मे प्राणधारिणी।।78।।
यद्येनं मे विशालाक्षि भर्तारममरोपमम्।
अद्य नानयसि क्षिप्रं प्राणांस्त्यक्ष्याम्यहं शुभे।।79।।
उषाया वचनं श्रुत्वा चित्रलेखा ब्रवीद् वच:।
श्रोतुमर्हसि कल्याणि वचनं मे शुचिस्मिते।।80।।
