सदृशं पुण्डरीकस्य गन्धेन कमलस्य च।
रराज चास्य तद् बाल्ये रुचिरौष्ठपुटं मुखम्।।6।।
शिखाभिस्तस्य मुक्ताभी रराज मुखपंकजम्।
वृतं षट्पदपंक्तीभिर्यथा स्यात् पद्ममण्डलम्।।7।।
तस्यार्जुनकदम्बाढ्या नीपकन्दलमालिनी।
रराज माला शिरसि नक्षत्राणां यथा दिवि।।8।।
स तया मालया वीर: शुशुभे कण्ठसक्तया।
मेघमालाम्बुदश्यामो नभस्य इव मूर्तिमान्।।9।।
एकेनामलपत्रेण कण्ठसूत्रावलम्बिना।
रराज बर्हिपत्रेण मन्दमारुतकम्पिना।।10।।