श्रीनिम्बार्क सम्प्रदाय में प्रेम का दिव्य स्वरूप 5

श्रीनिम्बार्क सम्प्रदाय में प्रेम का दिव्य स्वरूप

बसौ मेरे नैनन मे दोउ चंद।
गौरबरनि बृषभानुनंदिनी, स्यामबरन नँदनंद।।
गोलकु रहे लुभाय रूप में, निरषत आनँद-कंद।
जै श्रीभट प्रेमरस-बंधन, क्यों छूटै दृढ़ फंद।।

परस्पर निरषि थकित भये नैन।
प्रेम कला भरिसुर राधे सौं, बोलत अमृत बैन।।
हार उदार निहार तिहारौ, राधे यह मन लैन।
श्रीभट लटक जानि हितकारिनि, भई स्याम सुष दैन।।

श्रीबृन्दाबिपिनेश्वरी, पद-रस सिंधु बिहारी।
रच्यौ परस्पर प्रेम छेम, बाढ़यौ अति भारी।।
अरप्यौ पिय हिय पाय कैं, निज अधर सुधारी।
श्रीभट बड़भागी गोपाल, पीयौ रुचिकारी।।

पृष्ठ पर जाएँ

1 | 2 | 3 | 4 | 5 | 6 | 7 | 8 | 9 | 10 | 11 | 12