(119)
मिलि बरसाने की गोरी 2 गारी गावे नवल किसोरी।।
तुम सुनो नंद के नंदा 2 तुमको पूछें हम ब्रज चंदा।।
तेरी बहन सुभद्रा बाई 2 वाने अरजुन गैल भगाई।।
नँद नंदन तेरी ताई 2 वाकी सब जग करे हँसाई।।
नँद नंदन तेरी भूवा 2 वाके क्कारिन के सुत हूवा।।
नँद नंदन तेरी काकी 2 वा छैल छबीली बाँकी।।
नँद नंदन तेरी मोसी 2 वा सदा रहे मद होसी।।
नँद नंदन तेरी मामी 2 वा सब अबलन में नामी।।
नँद नंदन तेरी नानी 2 वाकी बात न हमसे छानी।।
नँद नंदन तेरी दादी 2 वा सदा रहे उनमादी।।
गोरे रंग यशोदा मैया 2 तुम कारे कौन के दैया।।
दास रसिक किसोरी गावै 2 वो बास सदा ब्रज पावै।।