गीत गोविन्द -जयदेव पृ. 63

श्रीगीतगोविन्दम्‌ -श्रील जयदेव गोस्वामी

प्रथम सर्ग
सामोद-दामोदर

अथ प्रथम सन्दर्भ
अष्टपदी
1. गीतम्

वेदानुद्धरते जगन्ति वहते भूगोलमुद्विभ्रते दैत्यं दारयते बलिं छलयते क्षत्रक्षयं कुर्वते। पौलस्तं जयते हलं कलयते कारुण्यमातन्वते म्लेच्छान् मूर्च्छयते दशाकृतिकृते कृष्णाय तुभ्यं नम: ॥12॥ इति श्रीगीतगोविन्दे प्रथम: सन्दर्भ:। अन्वय - अधुना सर्वेषामेव दशावताराणां पूर्णपुरुषे श्रीकृष्णे परिणतिं भगिंक्रिमेणाह।-[प्रलयपयोधिमग्नान्] वेदान् उद्धरते [मीनरूपाय तुभ्यं], जगन्ति वहते (पृष्ठदेशेन उद्वहते) (कूर्मरूपाय तुभ्यं) भूगोलम् (भूमण्डलम्) उद्विभ्रते (दशनेन ऊर्द्ध्‌वं तोलयते) [वराहरूपाय तुभ्यं], दैत्यं (हिरण्यकशिपुं) दारयते (नखै: विदारयते) [नृसिंहरूपाय तुभ्यं, बलिं (दैत्येश्वरं) छलयते (वञ्चयते) [वामनरूपाय तुभ्यं], क्षत्रक्षयं (क्षत्रियध्वसं) कुर्वते [जामदग्न्यरूपाय तुभ्यं], पौलस्त्यं (रावणं) जयते रामरूपाय तुभ्यं, [दुष्टदमनाय] हलं [लागंलं] कलयते (धारयते) [बलभद्ररूपाय तुभ्यं], म्लेच्छान् [अनार्याचारान्] मूर्च्छयते (नाशयते) [कल्किरूपाय तुभ्यं] अतएव दशाकृतिकृते (दशावतार रूपधराय) कृष्णाय (स्वयं भगवते वासुदेवाय) तुभ्यं नम: [एतेषामवतारित्वेन श्रीकृष्णस्य सर्वरसत्वं सिद्धम्। बुद्धो नारायणोपेन्द्रौ नृसिंहो नन्दनन्दन:। बल: कूर्मस्तथा कल्की राघवो भार्गव: किरि:। मीन इत्येता: कथिता: क्रमाद्वादश: देवता:॥ "इति भक्तिरसामृतसिन्धौ रसाधिष्ठातार: ॥]" ॥12॥

संबंधित लेख

गीत गोविन्द -श्रील जयदेव गोस्वामी

सर्ग

नाम

पृष्ठ संख्या

	प्रस्तावना	2
प्रथम	सामोद-दामोदर:	19
द्वितीय	अक्लेश केशव:	123
तृतीय	मुग्ध मधुसूदन	155
चतुर्थ	स्निग्ध-मधुसूदन	184
पंचम	सकांक्ष-पुण्डरीकाक्ष:	214
षष्ठ	धृष्ठ-वैकुण्ठ:	246
सप्तम	नागर-नारायण:	261
अष्टम	विलक्ष-लक्ष्मीपति:	324
नवम	मुग्ध-मुकुन्द:	348
दशम	मुग्ध-माधव:	364
एकादश	स्वानन्द-गोविन्द:	397
द्वादश	सुप्रीत-पीताम्बर:	461