पियारे! तुम ही तुम्हरे जोग -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा के प्रेमोद्गार-श्रीकृष्ण के प्रति

राग खमाच - तीन ताल पियारे! तुम ही तुम्हरे जोग। तुम्हरे पटतर कहूँ न को‌ऊ सुर-नर, सुख-सम्भोग॥ राखौ मोहि जहाँ मन भावै, सुरग-नरक-नरलोक। पै तुम बसौ दृगंचल मेरे, मन-भावन हर-सोक॥ तुम्हरे मधुर-मधुर स्मृति-सुख पै कोटि ब्रह्म-सुख वारौं। जोग-सिद्धि केहि लेखे माहीं, वाहि बिघ्र गनि टारौं॥ लागे रहौ सदा हिय सौं पिय! सब बिबिधान-बिहीन। पूरन प्रान पियारे! तुम महँ रहै सदा लय-लीन॥