अनोखौ प्रेम तुम्हारौ स्याम -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा के प्रेमोद्गार-श्रीकृष्ण के प्रति

राग आसावरी - तीन ताल अनोखौ प्रेम तुम्हारौ स्याम! बिनु कारन तुम नेह बढ़ायौ, सहज सुभाव बिबस अभिराम॥ स्वारथ भर्‌यौ हुतौ हिय मेरौ, छूँछौ सदा प्रेम के नाम। काम-कलुष-पूरित, नित कारौ, तामें कियौ आय विश्राम॥ नहीं प्रवेस प्रेम-चटसारै, नहीं ककहरा सौं कछु काम। दिब्य प्रीति-रस मोय पिया‌औ, अपने आप आय रस-धाम॥ छकी, प्रेम-रस छलक्यौ पावन, मधुर भयौ जीवन सुख-धाम। तुम्हरे सुरभित गुन-सुमननि के तुम ही नित्य सुभग आराम॥