स्याम बतावत प्रेम-मूर्ति मोहि -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग भैरवी - ताल कहरवा स्याम बतावत प्रेम-मूर्ति मोहि, सदा सुनावत आदर-बैन। हौं निज हृदय देखि सरमाऊँ राखूँ नित्य झुकाये नैन॥ इत-‌उत दृष्टि जाय नहिं मेरी, सुनती रहूँ स्याम के बैन। यासौं ध्यान-निरत हौं रहती, रखती निसि-दिन नीचे नैन॥ रूप-सुधा प्रिय स्याम-रूप की पीकर मस्त हो रहे ऐन। और न कछु देखन चाहत यासौं लाड़िलि के नीचे नैन॥ प्रियतम की मुख-छबि मनहर पै नित्यहि मोहित रहते नैन। दीठि न लगै, याहि डर सों वह सदा झुकाये रखती नैन॥