बिराजित स्यामा-स्याम निकुंज -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव स्वरूप माधुरी

राग बिहाग - तीन ताल बिराजित स्यामा-स्याम निकुंज। गौर-स्याम बदनारबिंद अनुपम सुषमा-सुख-पुंज॥ घुँघराली अलकावलि बिथुरी छा‌ई कलित कपोल। बाँर्ईं बाँह स्याम की सोभित स्यामा-कंठ अतोल॥ दोनों के दृग बने मधुप दोनों के बदन-सरोज। करत परस्पर प्रान सुधा-रस, लाजत अमित मनोज॥ प्रेम भरी सुचि सखी-मंजरीं ठाढ़ी सब चहुँ पास। निरखि मनोहर मधुर जुगल छबि हिय अति भर्‌यौ हुलास॥