प्रभु मेरो मन ऐसो ह्वै जावै -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग केदारा - ताल तीन ताल प्रभु! मेरो मन ऐसो ह्वै जावै। विषयन को विष सगरो उतरै, पुनि नहिं कबहूँ छावै॥ बिनसै सकल कामना मनकी, अनत न कतहूँ धावै। निरखत निरत निरन्तर माधुरि, स्याम मुरति सुख पावै॥ कामी जिमि कामिनि-सँग चाहै, लोभी धन मन लावै। तिमि अबिरत निज प्रियतमकी सुधि, छिन इक नहिं बिसरावै॥ ममता सकल जगतकी छूटै, मधुर स्याम छबि भावै। तव आनन-सरोज-रस-चाखन मन मधुकर बनि जावै॥