बिरह-दुख सजनी -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग टोड़ी - तीन ताल बिरह-दुख सजनी ! अति सुखरूप। प्रियतम की प्रिय सुधि कौ सुन्दर साधन परम अनूप॥ गृह-धन-जन-परिजन-सबकी सुधि विसरावत ततकाल। हिय महँ लाय बसावत मंजुल मोहन-सुधि सब काल॥ छलकत रहत सदा हिय महँ सुचि प्रेमामृत सुख-सार। सकल अंग नित रहत रस-भरित, जग की सुरति बिसार॥ बिरहानल अति प्रबल करत जग की ज्वाला कौ छार। करत सुसीतल रूप-सुधा-सागर गँभीर महँ डार॥ दरसन-रुचि पल-पल बाढ़त, पल-पल उतकंठा-जोर। निसि-दिन एक मधुर चिंतन, कब मिलिहैं नंद-किसोर॥