झूर रहे दृग रूप-दरस कौं -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग जंगला - ताल कहरवा झूर रहे दृग रूप-दरस कौं, रोय रहे अँग परसन अंग। इन्द्रिय सकल विकल बिलखत प्रिय इंद्रिय कौ पाने मधु संग॥ हृदय रह्यौ अति आतुर ह्वै पिय-हियके रस-‌आलिंगन हेतु। प्रान प्रान में मिलन चहत उड़ि, सहज तोरि मरजादा-सेतु॥ मन अति आकुल, जाय मिलौं कब प्रियतम-मन में अतिसय प्रीति। अंग अधीर मिलन कौं सब अति, तजि सुभाव, निज-गुन, निज नीति॥