होरी में ग‌ए हार सकल खल-दल-संहारी -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग काफी - ताल दीपचंदी होरी में ग‌ए हार सकल खल-दल-संहारी॥ सखी-सहचरी सब कौं लै सँग, भरि रस-रँग पिचकारी। मधुर बदन, कोमल सब तन पर हेरि-हेरि कै मारी॥ रँगीली कीर्ति-कुमारी॥ लाल कपोल गुलाल लपेटे, दृग सुरभित जल डारी। भाजि चले मन-मोहन सोहन पौंछत नयननि बारी॥ हँसी सखि दै कर-तारी॥ मुरली कर सौं परी धरनि पर, मोर-सिखा महि डारी। भ‌ए स्रमित, मृदु चरन डगमगे, बैठि ग‌ए मन मारी॥ घेरि लि‌ए सखिन मुरारी॥ बोलीं बचन यंग सखि मृदु हँसि-’बड़े बीर गिरिधारी ! सहि न सके नारी-कोमल-कर-कंजनि की पिचकारी॥ लाज सब कहाँ बिसारी’॥