हरत मन-माधव कंचन-गोरी -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव स्वरूप माधुरी

राग सूहा - तीन ताल हरत मन-माधव कंचन-गोरी॥ राधा अनियारे-रतनारे लोचन सौं, कछु भौंह मरोरी। पग-पैंजनि, दो‌उ चरन महावर, करधनि-धुनि मनु मधु-रस घोरी॥ दरपन कर, सोहत मुकता-मनि-हार हृदै, मृदु हँसनि ठगोरी। नैननि बर अंजन मन-रंजन, चित्त-बित्त-हर नित बरजोरी॥ नील बसन, सरदिंदु बदन-दुति, बेंदी सेंदुर-केसर-रोरी। सहज मथत मन्मथ-मन्मथ मन दिब्य छटा वृषभानु-किसोरी॥