हम तैं बिदुर कहा है नीकौं -सूरदास

सूरसागर

प्रथम स्कन्ध

राग सारंग ‘हम तैं बिदुर कहा है नीकौं ? ’जाकैं रुचि सौं भोजन कीन्‍हौ, कहियत सुत दासी कौ।‘ द्वै बिधि भौजन कीजै राजा, बिपति परैं कै प्रीति। तेरैं प्रीति न मोहिं आपदा, यहै बड़ी बिपरीति। ऊँचे मंदिर कौन काम के, कनक-कलस जो चढ़ाए। भक्त–भवन मैं हौं जु बसत हौं, जद्यपि तृन करि छाए। अंतरजामी नाउँ हमारौ, हौं अंतर को जानौं। ‘तदपि सूर मैं भक्तबछल हौं, भक्तनि हाथ बिकानौ।।243।।